کیا فرماتے ہیں مفتیانِ کرام درج ذیل مسئلہ کے بارے میں کہ حج یا عمرہ کے دوران کس قسم کی غلطیوں سے دم واجب ہوتا ہے؟
واضح رہے کہ حرم یا احرام کی وجہ سے جن کاموں کا کرنا ناجائز ہوتا ہے، ان کے ارتکاب سے یا حج کے واجبات میں سے کسی واجب کے چھوٹ جانے سے دم واجب ہوتاہے۔مثلاً:
٭بال کاٹنا۔ ٭ ناخن کاٹنا۔
٭سلا ہوا کپڑا پہننا۔ ٭ جماع کرنا۔
٭خوشبو لگانا۔ ٭ تیل لگانا۔
٭خشکی کا شکار کرنا۔ ٭ حرم کے اندر شکار کرنا۔
٭حرم کے درخت کاٹنا۔ ٭ حج وعمرہ کے کسی واجب کو چھوڑنا۔
لہٰذا مذکورہ بالا اعمال میں سے کوئی ایک عمل بھی کرلیا تو دم ادا کرناواجب ہو گا۔
لما في التنویر مع الدر:
’’الجناية: هنا ما تكون حرمته بسبب الإحرام أو الحرم‘‘.
قال إبن عابدین رحمہ اللہ تعالیٰ:
’’(قوله:بسبب الإحرام أو الحرم) حاصل الأول سبعة نظمها الشيخ قطب الدين بقوله:
محـرم الإحرام يا من يدري إزالـة الشعر وقص الظفــر
واللبس والوطء مع الدواعي والطيب والدهن وصيد البر
زاد في البحر ثامنا: وهو ترك واجب من واجبات الحج ...... وحاصل الثاني التعرض لصيد الحرم وشجره‘‘.(کتاب الحج،باب الجنایات:۳/۶۵۰،رشیدیۃ).فقط.واللہ تعالیٰ اعلم بالصواب.
فتویٰ نمبر:179/99
دارالافتاء جامعہ فاروقیہ کراچی