کیا فرماتے ہیں مفتیان کرام اس مسئلہ کے بارے میں کہ اگر کوئی شخص نبی کریم صلی اللہ علیہ وسلم کے روضہ اطہر کے پاس ’’السلام علیک یا رسول اللہ‘‘ کے الفاظ کہے، تو کیا نبی کریم صلی اللہ علیہ وسلم یہ الفاظ سنتے ہیں یا نہیں؟ اور آپ صلی اللہ علیہ وسلم جواب دیتے ہیں یا نہیں؟
نبی کریم صلی اللہ علیہ وسلم کے روضہ اطہر کے پاس السلام علیک یا رسول اللہ کے الفاظ کہنے سے، نبی کریم صلی اللہ علیہ وسلم یہ الفاظ سنتے بھی ہیں اور جواب بھی دیتے ہیں۔لما في سنن أبي داؤد:’’عن أبي هريرة رضي الله عنه، أن رسول الله صلى الله عليه وسلم قال:ما من أحد يسلم علي إلا رد الله علي روحي حتى أرد عليه السلام‘‘.(كتاب المناسك، باب زيارة القبور: 295، دار السلام للنشر والتوزيع)وفي بذل المجهود:’’وظاهر عقد الباب يدل على أن المراد بالسلام عليه السلام عند القبر وقت حضوره للزيارة (إلا رد الله علي روحي) قال ابن حجر: أي نطقي (حتي أرد عليه السلام) أي أقول: وعليك السلام‘‘.(كتاب المناسك، باب زيارة القبور: 567/7، دار البشائر).فقط.واللہ تعالیٰ اعلم بالصواب.
دارالافتاء جامعہ فاروقیہ کراچی
فتویٰ نمبر:176/125