ایک آدمی نے اپنے لیے قربانی کا جانور خریدا تھا، لیکن قربانی کرنے والے کا انتقال ہوگیا تو اب کیا حکم ہے؟ اس جانور کا ذبح کرنا ضروری ہے یا نہیں؟
دس ذوالحجہ سے پہلے یا قربانی کے دنوں میں جانور ذبح کرنے سے پہلے اگر صاحب قربانی کا انتقال ہوجائے تو قربانی ساقط ہوجائے گی اور وہ جانور وارثوں کا ہوگا۔
لہٰذا صورت مسئولہ میں یہ جانور وارثوں کا ہے۔ ان پر مرحوم کی طرف سے اس کا ذبح کرنا واجب نہیں، البتہ تمام وارثوں کی رضامندی سے ایصال ثواب کی نیت سے قربانی کردیں تو زیادہ بہتر ہے۔ فقط۔واللہ اعلم بالصواب۔
دارالافتاء جامعہ فاروقیہ کراچی