بِسْمِ اللَّهِ الرَّحْمَنِ الرَّحِيم

صدقہ جاریہ کا ثواب

صدقہ جاریہ کا ثواب

سوال

کیا فرماتے ہیں مفتیانِ کرام مندرجہ ذیل  مسئلہ کے بارے میں کہ صدقہ جاریہ کی تعریف کیا ہے؟ نیز صدقہ جاریہ کا ثواب کب تک ملتا ہے؟رہنمائی فرمائیں۔

جواب

صدقہ جاریہ اس کو کہتے ہیں کہ آدمی اپنی زندگی میں نیکی کا کوئی ایسا کام کرے کہ اس کے مرنے کے بعد بھی لوگ اس سے اسی طرح استفادہ کریں ،جس طرح اس کی زندگی میں اس سے فائدہ حاصل کرتے تھے، مثلاً: قرآن مجید یا دینی کتاب وقف کرنا، لوگوں کے لیے پانی کا انتظام کرنا ،یا کوئی ہسپتال بنوانا وغیرہے، جب تک لوگ استفادہ کرتے رہیں گے اس وقت تک ثواب ملتا رہے گا۔ فقط واللہ اعلم بالصواب

دارالافتاء جامعہ فاروقیہ کراچی