کمپنی کا لوگو بنانے کے لیےمختلف غیر ذی روح اشیاء کی تصاویر کو جوڑ کر ایک سینری بنانے کا حکم

Darul Ifta mix

کمپنی کا لوگو بنانے کے لیےمختلف غیر ذی روح اشیاء کی تصاویر کو جوڑ کر ایک سینری بنانے کا حکم

سوال

کیا فرماتے ہیں مفتیانِ  کرام مندرجہ ذیل  مسئلہ کے بارے میں کہ  کسی کمپنی کا لوگو بنانے کے لیے اگر مختلف تصاویر مثال کے طور پر پہاڑوں کی تصاویر کو کاٹ کر جوڑنا ، بیک گراؤنڈ کو ہٹا کر پیچھے نیلا یا آسمانی کلر کر دینا، ایک پہاڑ کی ڈوپلیکیٹ بناکر ان کو جوڑ کرنئی سینری بنانا کیا جائز ہے؟

اور میں نے  کہیں سنا تھا کہ اللہ پاک کی تخلیق کی  نقل نہیں کرنی چاہیے، کیا یہ بھی اس زمرے میں آتا ہے؟  براہ کرم قرآن و حدیث کی روشنی میں راہنمائی فرمائیے

جواب

کسی کمپنی کا لوگو بنانے کے لیے  غیر ذی روح اشیاء کی مختلف تصاویر بنانا اور ان تصاویر کو ایک دوسرے کے ساتھ جوڑ کر نئی سینری بنانا شرعاً جائز ہے ۔

اللہ تعالی کی  تخلیق کی نقل اتارنے سے جو ممانعت آئی ہےوہ ذی روح اشیاء کے ساتھ خاص ہے ۔

لما في الهداية:

ولا يكره تمثال غير ذي الروح لأنه لا يعبد. (كتاب الصلاة،باب مايفسد الصلاة وما يكره فيها،1145،ط:رحمانية)

وفي المرقاة:

قال أصحابنا وغيرهم من العلماء تصوير صورة الحيوان حرام شديد التحريم وهو من الكبائر لأنه متوعدا عليه بهذا الوعيد الشديد المذكور في الأحاديث سواء صنعه في ثوب أو بساط أو درهم أو دينار أو غير ذلك وأما تصوير صورة الشجر والرجل والجبل وغير ذلك فليس بحرام.(باب التصاوير،الفصل الاول:8266،رشيدية) ۔ فقط واللہ اعلم بالصواب

دارالافتاء جامعہ فاروقیہ کراچی

فتوی نمبر:170/25