کیافرماتے ہیں مفتیان کرام اس مسئلہ کے بارے میں کہ ایک شخص کے پاس ساڑھے بارہ تولہ سونا ہو جو کہ نصاب سے زائد ہے تو اب اس کی زکوٰۃ کس طرح ادا کی جائے گی؟
نصاب سے زائد سونے کی زکوٰۃ کی ادائیگی کا طریقہ بھی وہی ہے جو بقدر نصاب سونے کا ہے،یعنی جس دن اس پر سال پورا ہو جائے تو سونے کی مارکیٹ سے قیمت معلوم کرکے کل رقم کا ڈھائی فی صد بطورِ زکوٰۃ ادا کر دیں۔نصاب الذھب عشرون مثقالا والفضۃ مائتا درھم کل عشرۃ دراھم.(تنویر الأبصار، کتاب الزکاۃ، باب زکاۃ المال: ٢/٢٩٥، سعید)''الزکاۃ واجبۃ علی الحر العاقل البالغ المسلم،إذا ملک نصابا ملکاتاما وحال علیہ الحول''.(الھدایۃ، کتاب الزکاۃ:١/١٨٥،شرکۃ علمیۃ)وتعتبر القیمۃ یوم الوجوب وقال یوم الأداء وفي السوائم یوم الأداء إجماعا.(الدر المختار، کتاب الزکاۃ: ٢/٢٨٦،سعید)''إن الواجب الأصلي عندھما ھو ربع عشر العین، وإنما لہ ولایۃ النقل إلی القیمۃ یوم الأداء فیعتبر قیمتھما یوم الأداء،والصحیح أن ھذا مذھب جمیع أصحابنا''(بدائع الصنائع،کتاب الزکاۃ، فصل،وأما صفۃ الواجب في أموال التجارۃ:٢/٢٢،سعید).فقط واللہ اعلم بالصواب
دارالافتاء جامعہ فاروقیہ کراچی
