ترکہ میں اگر پرائز بانڈز بھی ہوں تو اس کا حکم

Darul Ifta mix

ترکہ میں اگر پرائز بانڈز بھی ہوں تو اس کا حکم

سوال

کیا فرماتے ہیں علمائے کرام اس مسئلے کے بارے میں کہ مرحوم کی ملکیت کا ایک معتدبہ حصہ پرائز بانڈ کی شکل میں موجود ہے جسے انہوں نے اپنی زندگی میں کیش نہیں کرایا، کیا اس میں میراث جاری ہو گی؟ اس حوالے سے اگر کوئی تفصیل ہے تو مطلع فرما دیں، نیز کیا ایسا ممکن ہے کہ بانڈز کو واپس کرکے اس کی قیمت ِ خرید رکھ لی جائے اور نفع صدقہ کر دیں؟ جزاکم الله خیراً․

جواب

واضح رہے کہ مرحوم پرائز بانڈز کے بدلے جتنی رقم جمع کرواچکے ہیں، اتنی ہی رقم ان کے ترکہ میں شمار ہو گی، پرائز بانڈز کیش کرکے وہ رقم ورثاء میں تقسیم کی جائے، نیزاگر کسی بانڈ پر انعام نکلا ہو تو سے حاصل کرکے بغیر نیت ثواب کے کسی مستحق کو دیا جائے۔ فقط واللہ اعلم بالصواب

دارالافتاء جامعہ فاروقیہ کراچی