جامعہ فاروقیہ کراچی ۔۔ انٹرنیشنل اسلامک یونی ورسٹی

غذاؤں سے علاج کیجیے

محترمہ کرن حیا فاروقی

فطری معالجے(نیچر وپیتھی) اور حکمت میں غذا کے ذریعے سے علاج کا تصور موجود ہے۔ جو افراد متوازن غذا نہیں کھاتے، انہیں جسمانی، ذہنی اور اعصابی کم زوری لاحق ہو سکتی ہے۔ مشاہدہ کیا گیا ہے کہآج بھی جو افراد فطری ماحول، سادہ غذاؤں اور فطری طرزِ زندگی کو اپنائے ہوئے ہیں، وہ بہت سے جسمانی، ذہنی اور اعصابی مسائل سے محفوظ ہیں۔ مجموعی طور پر غذاؤں کے اثرات طرزِ زندگی اور عادات کی وجہ سے مرتب ہوتے ہیں۔ ایک ہی قسم کی غذا روزانہ کھانے والے افراد حیاتین (وٹامنز) او رمعدنیات (منرلز) کی کمی کا شکار ہو جاتے ہیں۔ بعض اوقات کوئی مخصوص غذا کھا لینے سے خلافِ توقع لاحق بیماری عارضی طور پر جاتی رہتی ہے یا افاقہ ہو جاتا ہے۔ معدنیات اور حیاتین والی غذائیں کھانے سے جسم کا مدافعتی نظام بہتر ہو جاتا ہے۔

غذا سے علاج، مگر کیسے؟
مثال کے طور پر پیٹ میں درد ہو تو امرود کھانا چاہیے۔ امرود کھانے سے درد ختم ہو جاتا ہے، کھانسی اور گلے کا درد دور کرنے میں شہد اکسیر مانا جاتا ہے۔ ذیل میں بتایا جارہا ہے کہ چند امراض کا علاج غذاؤں سے کیسے کیا جاسکتا ہے۔

آدھے سر کا درد
آدھے سر کے درد میں کبھی کبھی اتنی تکلیف ہوتی ہے کہ لگتا ہے دماغ پھٹ جائے گا۔ تحقیق سے پتا چلا ہے کہ جن افراد میں میگنیزئیم جیسا معدنی جزکم ہو جاتا ہے ، وہ اس بیماری میں زیادہ مبتلا ہوتے ہیں۔

انسانی جسم میں میگنیزئیم کی کمی سے دماغ کے ارد گرد موجود خون کی نالیوں میں اینٹھن ہوتی ہے۔ یہ عمل اعصاب شکن درد پیدا کرتا ہے۔ کیلا، السی کے بیج، پستہ، خشک خوبانی اور گندم کا دلیا کھانے سے مدافعتی نظام بہتر ہو جاتا ہے۔

ایام کی تکالیف
خواتین میں ایام سے قبل مختلف ذہنی اور جسمانی تکالیف جنم لیتی ہیں۔ طبی اصطلاح میں یہ کیفیت ایام سے قبل کی تکلیف کہلاتی ہے۔ ماہرین طب کے خیال میں جن خواتین میں رابو فلاون(Riboflavin) مطلوبہ مقدار میں ہوتی ہے وہ ان تکالیف میں مبتلا نہیں ہوتیں۔ فولک ایسڈ باقاعدگی سے کھانے والی نوجوان لڑکیوں میں بھی خلیوں کی تکالیف جنم نہیں لیتیں۔ اگر خواتین اپنی غذاؤں میں بالائی اترا ہوا دودھ، ثابت گندم (جسے حلیم کی شکل میں کھایا جاسکتا ہے) کلیجی، سویابین، پنیر، تِل اور ٹماٹر شامل رکھیں تو ایام کی تکالیف دور ہو جاتی ہیں۔

نظر کی خرابی
جیسے جیسے عمر بڑھتی ہے، آنکھ کے قرنیے (Cornea) کے سفیدے میں خرابی پیدا ہونے لگتی ہے۔ یہ خرابی ”میکیولر ڈی جنریشن“ (Macular Degneration) کہلاتی ہے۔ اس مرض میں نظر دھندلا جاتی ہے، تاہم کسی بھی قسم کی گوبھی ( بند گوبھی، پھول گھوبی یا بروکولی) اور دیگر سبز پتوں والی سبزیاں کھائی جائیں تو اس مرض سے بچاؤ ہو سکتا ہے۔ سبز رنگ کی سبزیوں میں ایک خاص قسم کا مادہ پایا جاتا ہے۔ یہ مادہ نہ صرف سبزیوں کو سبز رنگ عطا کرتا ہے، بلکہ بینائی کے تمام مسائل سے نجات بھی دلاتا ہے۔

اضمحلال وافسردگی
عام طور پر معاشرتی دباؤ اور خاندانی مسائل اضمحلال وافسردگی (ڈپریشن) کا سبب مانے جاتے ہیں، لیکن معا لجین کے مطابق یہ بیماری انسان کو اس وقت لاحق ہوتی ہے، جب جسم میں ایک مخصوص خلویاتی مادے ”سیروٹونن“(Serotonin) کی کمی واقع ہو جائے، یہ مادہ ہمارے مزاج کو قابو میں رکھتا اور اضمحلال وافسردگی کو دور کرتا ہے۔

”سیروٹونن“ کی مقدار میں اضافے کے لیے نشاستے (کاربوہائڈریٹ) والی غذائیں کھانا مفید ہے۔ ان غذاؤں میں آلو اور بھورے چاول ( براؤن رائس )اہم ہیں۔

کم زور اعصاب ارتکازِ توجہ میں کمی
ہمارے جسم میں”کولین“(Choline) نامی مادے کی کمی ارتکاز توجہ کو بُری طرح متاثر کرتی ہے۔ ”کولین“ حاصل کرنے کے لیے انڈے، مرغی اور گائے کا گوشت کھایا جاسکتا ہے۔ اگر ہم چند دن روزانہ ایک انڈا کھا لیا کریں یا خوب چربی صاف کرکے مناسب مقدار میں سرخ گوشت کھالیں تو اعصابی کم زوری دور ہوسکتی ہے۔ سیب، میں”ارسولک“ (Ursolic) نامی تیزاب پایا جاتا ہے، جو انسانی جسم کے ہارمونوں کی افزایش او ربہتر کار کردگی میں مدد دیتا ہے، اس لیے ایک سیب بغیر چھلکا اتارے روزانہ کھالینے سے اعصاب مضبوط ہو جاتے ہیں۔



English
عربي

ابتداء
اپنے بارے میں
جامعہ فاروقیہ
الفاروق
اسلام
قرآن
کتب خانہ
منتحب سائٹس
This site is developed under the guidance of eminent Ulamaa of Islam. 
Suggestions, comments and queries are welcomed at info@farooqia.com
ابتداء  |  اپنے بارے میں  |  جامعہ فاروقیہ  |  الفاروق  |  اسلام  |  قرآن  |  کتب خانہ  |  منتخب سائٹس
No Copyright Notice.
All the material appearing on this web site can be freely distributed for non-commercial purposes. However, acknowledgement will be appreciated.