مطعم جامعہ
طلباء کے کھانا کھانے کی جگہ کو عربی میں مطعم کہا جاتا ہے ، جامعہ میں صفائی کا نظم بہتر بنانے کے لیے تمام طلباء کے لیے ضروری قرار دیا گیا ہے کہ وہ مطعم میں کھانا کھانے کے لیے حاضر ہوں ، چناں چہ مطعم میں طلباء کی آمد سے پہلے کھانا لگا دیا جاتا ہے او رمطعم کے نگران حضرات کی موجودگی میں طلباء کھانے کھاتے ہیں، اس میں یہ کوئی قید نہیں کہ کوئی کتنا کھانا کھارہا ہے البتہ کھانا ضائع کرنے کی اجازت نہیں ہوتی، کھانے کے بعد برتن دھونے او رمطعم کی صفائی جامعہ کی طرف مامور عملے کی ذمہ داری ہوتی ہے، مطعم میں کھانے کے دوران ٹھنڈے پانی کا بھی انتظام موجود ہوتا ہے جامعہ میں موجود طلباء کی کثرت کے پیش نظر مطعم میں طلباء کو کھانا کھلانے کا یہ نظم مختلف شفٹوں میں انجام پاتا ہے۔